ՀայԼանդզ Էկո Վիլիջ Ռիզորթը հիմնադրվել է Արթուր և Քերոլայն Զաքարյանների կողմից` Հայաստանում էկոտուրիզմը խթանելու նպատակով: Ամուսինները եկել են ԱՄՆ-ից և մշտական բնակություն հաստատել Հայաստանում 2007 թվականին:

​

ՀայԼանդզ Էկո Վիլիջ Ռիզորթը բոլոր նրանց համար է, ովքեր սիրում են բնությունը և կենդանիներին: Այն գտնվում է Գեղադիր գյուղում` Երևան-Գառնի-Գեղարդ մայրուղու վրա` մայրաքաղաքից դեպի հարավ-արևելք 15կմ հեռավորության վրա, որտեղ մեքենայով կարելի է հասնել 25 րոպեում: Գյուղին մոտ գտնվում են Գառնու տաճարը, Գեղարդի վանքը, Գառնու կիրճը, Ազատ գետը, Խոսրովի անտառ արգելոցը, Հավուց Թառի վանքը և Չարենցի կամարը:

​

ՀայԼանդզ Էկո Վիլիջ Ռիզորթը Ձեզ է ներկայացնում հայկական տուֆից և փայտից նորակառույց և հիասքանչ կառույցների յուրօրինակ ընտրություն: Հանգստավայրն առաջարկում է բոլոր հարմարությունները մեծահասակների և երեխաների համար` կահավորված սենյակներ և հանգստի հարմարություններ, տեխնիկապես հագեցած ժամանակակից կոնֆերանս սրահ` նախատեսված ավելի քան 50 հոգանոց խմբերի համար, բար, բանկետ սրահ, էկոլոգիապես մաքուր այգիներ ու բանջարանոցներ, որտեղ մշակվում են պտղատու ծառեր, բանջարեղեն, կանաչեղեն, խոտաբույսեր և ծաղիկներ, և սարի վրա գտնվող ֆերմա։ 

​

Հանգստավայրում Դուք կարող եք տեսնել այնպիսի ընտանի կենդանիներ, ինչպիսիք են շները, կատուները, ավանակները, ձիերը, այծերը, թռչուններ, ինչպիսիք են հավերը, բադերը, սագերը և այլն: ՀայԼանդզում կան նաև մեղվի փեթակներ, և բոլոր ցանկացողները հրավիրվում են մասնակցելու մեղրաքամին:

​

Հանգստավայրի մառանում պահվում են տնական օղու, լիկյորի և կոնյակի տեսականիներ:

​

Հանգստավայրում Դուք կտեսնեք հին կավե սափորներ, խնոցիներ և հնագույն հայկական գործիքների բազմազանություն:

 

Էկոլոգիապես մաքուր միջավայր ստեղծելու և առկա ռեսուրսները ավելի արդյունավետ օգտագործելու նպատակով հանգստավայրի տարածքում տեղադրվել են արևային համակարգեր:

​

Դուք կվայելեք Ձեր անմոռանալի հանգիստը ՀայԼանդզ Էկո Վիլիջ Ռիզորթում: